(54) Psalms van Christus

Psalm 16 (1): Ryk geërf

U ken miskien ook sulke mense: mense wat hulle ryk geërf het. Dit kan gebeur deurdat jou eie ouers ryk was, of, in ‘n ander geval, omdat die persoon met wie jy getroud is, welgestelde ouers gehad het.

Nou ja, Christene is sulke mense: mense wat hulle skatryk geërf het. Maar dit is nie omdat die kerk, die bruid, so ryk was danksy haar voorouers nie. Inteendeel, in Adam, ons voorvader, én deur ons eie sonde, het ons juis alles verloor. God se heerlike paradys, ja God self, het ons verloor deur die sondeval. En deur ons daaglikse sondes verbeur ons nog elke oomblik daardie grootste en wonderlikste besit. In onsself is ons dus brand, brandarm. Maar, en dit is nou die wonder van die evangelie, deur die geloof ontvang ons ‘n Bruidegom: die Bybel self noem ons Here Jesus Christus die Bruidegom van die kerk. En deur en danksy ons Bruidegom verkry ons die grootste en mooiste erfenis wat ‘n mens ooit kan ontvang. In Hom erf ons ons skat, skatryk!

Ek wil in die volgende dagstukke met u by hierdie erfenis stilstaan